قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى  №356 

2015 جىلعى 16 قاراشا, استانا قالاسى مەموريالدىق تاقتالاردى ورناتۋدىڭ ولشەمشارتتارى مەن  قاعيدالارىن بەكىتۋ تۋرالى «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» قازاقستان رەسپۋبليكاسىنىڭ 1992 جىلعى 2 شىلدەدەگى زاڭىنىڭ 19-بابىنىڭ 14-12) تارماقشاسىنا سايكەس بۇيىرامىن: 1. مىنالار: 1) وسى بۇيرىققا 1-قوسىمشاعا سايكەس مەموريالدىق تاقتالاردى ورناتۋدىڭ ولشەمشارتتارى; 2) وسى بۇيرىققا 2-قوسىمشاعا سايكەس مەموريالدىق تاقتالاردى ورناتۋدىڭ قاعيدالارى بەكىتىلسىن. 2. قازاقستان رەسپۋبليكاسى مادەنيەت جانە سپورت مينيسترلiگiنiڭ مادەنيەت جانە ونەر ىستەرى دەپارتامەنتى زاڭنامادا بەلگiلەنگەن تارتiپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن ون كۇنتىزبەلىك كۇن ىشىندە وسى بۇيرىقتىڭ گەربتىق مورمەن راستالعان ەلەكتروندىق تاسىمالداۋشىداعى كوشىرمەلەرىن قاعاز نۇسقالارىنىڭ كوشىرمەسىمەن قوسا «ادىلەت» اقپاراتتىق-قۇقىقتىق جۇيەسىندە جانە مەرزىمدى ءباسپاسوز باسىلىمدارىندا رەسمي جاريالاۋ ءۇشىن جولداۋدى; 3) وسى بۇيرىقتى رەسمي جاريالانعاننان كەيىن قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرۋدى; 4) قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىمەن قاراستىرىلعان ءىس-شارالار ورىندالعان كۇننەن باستاپ ون كۇننىڭ ىشىندە ءىس-شارالاردىڭ ورىندالۋى تۋرالى مالىمەتتەردى بەرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى مادەنيەت جانە سپورت ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا. مۇحامەدي ۇلى قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 16 قاراشاداعى №356 بۇيرىعىنا 1-قوسىمشا مەموريالدىق تاقتالاردى ورناتۋدىڭ ولشەمشارتتارى مەموريالدىق تاقتالاردى ورناتۋدىڭ ولشەمشارتتارى: قازاقستان رەسپۋبليكاسى الدىندا ەڭبەگى بار اسا كورنەكتى تۇلعا جانە قازاقستان رەسپۋبليكاسى ءۇشىن تاريحي ماڭىزى بار ايرىقشا وقيعا; اسا كورنەكتى تۇلعانىڭ قايتىس بولعان كۇنىنەن باستاپ جانە ايرىقشا وقيعانىڭ بولعان كۇنىنەن باستاپ كەمىندە بەس جىل; عيماراتتا نەمەسە قۇرىلىس جايلارىندا اسا كورنەكتى تۇلعانىڭ ءومىر ءسۇرۋ, قىزمەت جاساۋ, بولۋ جانە وتكەن ايرىقشا وقيعانىڭ فاكتىلەرى. قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 16 قاراشاداعى №356 بۇيرىعىنا 2-قوسىمشا مەموريالدىق تاقتالاردى ورناتۋدىڭ قاعيدالارى 1. جالپى ەرەجەلەر 1. وسى مەموريالدىق تاقتالاردى ورناتۋدىڭ قاعيدالارى مەموريالدىق تاقتالاردى ورناتۋدىڭ ءتارتىبىن انىقتايدى. 2. مەموريالدىق تاقتالار قازاقستان رەسپۋبليكاسىنىڭ اسا كورنەكتى تۇلعالارىن, ايرىقشا وقيعالارىن ماڭگى ەستە ساقتاۋ ماقساتىندا ورناتىلادى. 3. مەموريالدىق تاقتالار اسا كورنەكتى تۇلعا ءومىر سۇرگەن, قىزمەت جاساعان نەمەسە بولعان, ايرىقشا وقيعا بولعان عيماراتتار مەن قۇرىلىستاردىڭ قاسبەتتەرىندە ورناتىلادى. 4. مەموريالدىق تاقتالار ءمارمار, گرانيت, تەمىر نەمەسە باسقا دا ماتەريالداردان جاسالادى جانە ەكى مەتردەن تومەن ەمەس بيىكتىكتە 50 ح 80 سانتيمەتردەن اسپايتىن كولەمدە ورناتىلادى. 5. مەموريالدىق تاقتانىڭ ءماتىنى اسا كورنەكتى تۇلعا تۋرالى (تەگى, اتى, اكەسىنىڭ اتى (بولعان جاعدايدا) ءومىر ءسۇرۋ كەزەڭى, قىزمەت سالاسى, سىڭىرگەن ەڭبەگى) مالىمەتتەردى جانە ايرىقشا وقيعا تۋرالى (كۇنى, ورنى, سيپاتتاما) مالىمەتتەردى, سونىمەن قاتار قاجەتتىلىك بولعان جاعدايدا تۇلعانىڭ پورترەتتىك بەينەسىن جانە دەكوراتيۆتىك ەلەمەنتتەردى قۇرايدى. 2. مەموريالدىق تاقتالاردى ورناتۋدىڭ ءتارتىبى 6. مەموريالدىق تاقتا ورناتۋ ءۇشىن جەكە جانە زاڭدى تۇلعالار وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنا مىنا قۇجاتتاردى ۇسىنادى: 1) مەموريالدىق تاقتا ورناتۋ تۋرالى ەركىن نۇسقادا جازىلعان ءوتىنىش; 2) اسا كورنەكتى تۇلعانىڭ ەڭبەگىن جانە ايرىقشا وقيعانىڭ ماڭىزىن راستايتىن ارحيۆتىك جانە وزگە قۇجاتتاردىڭ كوشىرمەلەرى; 3) وسى بۇيرىقتىڭ 4 جانە 5 تارماقتارىندا كورسەتىلگەن دەرەكتەر مەن مالىمەتتەردى قامتيتىن مەموريالدىق تاقتانىڭ ەسكيزى; 4) قاسبەتىندە مەموريالدىق تاقتانى ورناتۋ قارالعان عيمارات نەمەسە قۇرىلىس جايىنىڭ مەنشىك نەمەسە زاڭدى يەسىنىڭ جازباشا كەلىسىمى; 5) قاسبەتىندە مەموريالدىق تاقتانى ورناتۋ قارالعان عيمارات نەمەسە قۇرىلىستىڭ رەسپۋبليكالىق جانە حالىقارالىق ماڭىزداعى تاريح جانە مادەنيەت ەسكەرتكىشى بولىپ تابىلعان جاعدايدا, تاريحي-مادەني مۇرا وبەكتىلەرىن قورعاۋ جانە پايدالانۋ سالاسىنداعى ۋاكىلەتتى ورگاننىڭ كەلىسۋى. 7. ۇسىنىلعان قۇجاتتار وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىمەن 30 (وتىز) كۇنتىزبەلىك كۇن ىشىندە قارالادى. 8. وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى قۇجاتتاردى قاراۋ ءۇشىن وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى وكىلەتتى ورگاندارىمەن كەلىسۋ بويىنشا قۇرامىنا عىلىم, مادەنيەت قايراتكەرلەرى, مەملەكەتتىك ورگانداردىڭ وكىلدەرى, ساۋلەتشىلەر جانە باسقا ماماندار ەنەتىن كوميسسيا قۇرادى. 9. كوميسسيا قۇرامى وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىمەن وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى وكىلەتتى ورگاندارىمەن كەلىسۋ بويىنشا بەلگىلەنەدى. 10. كوميسسيا توراعادان, توراعا ورىنباسارىنان, مۇشەلەرىنەن جانە حاتشىدان تۇرادى. كوميسسيا توراعاسى ونىڭ قىزمەتىنە باسشىلىق ەتەدى, كوميسسيا وتىرىستارىن وتكىزەدى. توراعا بولماعان كەزدە ونىڭ فۋنكتسيالارىن ورىنباسارى اتقارادى. كوميسسيا حاتشىسى كوميسسيانىڭ قىزمەتىن قامتاماسىز ەتۋ جونىندەگى جۇمىستى ۇيلەستىرەدى, كوميسسيا وتىرىستارىنىڭ حاتتامالارىن دايىندايدى. حاتشى كوميسسيانىڭ مۇشەسى بولىپ تابىلمايدى. 11. كوميسسيا شەشىمدەرى اشىق داۋىس بەرۋ ارقىلى قابىلدانادى جانە ەگەر, ولار ءۇشىن كوميسسيانىڭ قاتىسۋشى مۇشەلەرىنىڭ جالپى سانىنىڭ باسىم كوپشىلىگى جاقتاپ داۋىس بەرسە, قابىلداندى دەپ سانالادى. داۋىستار تەڭ كەلگەن جاعدايدا, توراعا داۋىسى شەشۋشى بولىپ تابىلادى. 12. كوميسسيا وتىرىسىنىڭ ناتيجەسى ۇسىنىمدىق سيپاتقا يە حاتتامامەن رەسىمدەلەدى. 13. كوميسسيا قۇجاتتاردى: 1) وسى بۇيرىقپەن بەكىتىلگەن مەموريالدىق تاقتالاردى ورناتۋدىڭ ولشەمدەرىنە سايكەستىلىككە; 2) اسا كورنەكتى تۇلعانىڭ ەڭبەگىن, ايرىقشا وقيعانىڭ ماڭىزدىلىعى فاكتىلەرىنىڭ انىقتىعىنا; 3) وسى بۇيرىقتىڭ 4 جانە 5 تارماقتارىندا كورسەتىلگەن مالىمەتتەرگە سايكەستىلىككە قارايدى. 14. مەموريالدىق تاقتانى ورناتۋ تۋرالى شەشىم وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىمەن كوميسسيانىڭ ۇسىنىمىن ەسكەرە وتىرىپ قابىلدانادى. 15. وسى بۇيرىقتىڭ 6-تارماعىمەن قارالعان قۇجاتتار تولىق ۇسىنىلماعان, مالىمەتتەردىڭ شىن ەمەستىگى انىقتالعان جاعدايدا, وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى مەموريالدىق تاقتالار ورناتۋ تۋرالى ۇسىنىستى كوميسسيا قاراۋىنا ەنگىزبەيدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 14 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12405 بولىپ ەنگىزىلدى.